黃子華憤怒了！　籲fans勿買黃子華《金盆𠺘口》黃牛飛

黃子華早前「自爆」7月在紅館舉的黃子華《金盆𠺘口》棟篤笑，將是他最後一次棟篤笑，今日（26日）信用卡公司優先預售黃子華《金盆𠺘口》棟篤笑門票，但大批網民「瘋狂F5」仍未能登入購票，網站癱瘓，網上同時出現「黃牛黨」，以數倍價錢炒起門票。黃子華晚上在 facebook 上載片段，除了怒轟黃牛黨外，黃子華亦公開呼籲市民不要買黃牛飛，指自己「比任何一個人都更憤怒！」

黃子華在facebook 上載片段指出，今日得悉已有人在網上賣黃牛飛，

我比任何一個人都更憤怒，一個表演者花了咁多時間去準備一個表演，大家好辛苦準備表演，然後係一啲完全唔需要付出的人，去賣一倍兩倍三四五六七倍嘅價錢，然後一啲好長期支持你嘅fans，要去承受呢啲價錢。我一路都好接受世界係不完美，但係咁係太過不完美，係太過離譜！

▲ 黃子華在facebook 上載片段，呼籲市民不要買黃牛飛。（黃子華fb圖片）

他又呼籲觀眾勿買黃牛飛：「唔緊要嘅，空哂佢！」又指如正式演出時，如發現較前的座位空出一大段，即代表觀眾沒有買黃牛飛，可能會在明年多做一兩場，回饋觀眾。黃子華亦呼籲，政府應就此採取行動：

依家民間嘅文娛活動，每一次市民都受到咁大的剝削時，有關部門係咪應該正視下呢？

他又澄清，網上指「以內部渠道得到門票」也不是真確，因為內部人員也沒有得到門票；4月24日將會正式向公眾門票。

【延伸閱讀】黃子華歷年棟篤笑　YouTube官方頻道免費任睇【附連結】

【延伸閱讀】黃子華最後一次棟篤笑　子華神夭心夭肺愛情金句回顧

【延伸閱讀】古巨基黃子華合唱《子華說》　子華神金句Rap盡港人心聲【有片】